Indigenous Microoganisms (IMOs)

Indigenous Microoganisms (IMOs)

Natural Farming ផលិតបាននូវទន្និផលមួយដ៏ល្អនៅពេលដែលដីមានស្ថានភាពមូយដែលអំណោយផលដល់រុក្ខជាតិ ។ IMOs គឺមានតួនាទីមួយយ៉ាងសំខាន់ក្នុងការបំលែងដីឲ្យមានលក្ខណះមួយល្អប្រសើរសម្រាប់ការដំាដុះ។ IMOs មានតួនាទីសំខាន់ៗ២យ៉ាងគឺ ១. វាធ្វើ​ការបំបែកធាតុនៃសរីរាង្គដូចជាដើមឈើងាប់, សត្វ និងកាក់សំណល់ផ្សេងៗឲ្យទៅជាសារធាតុចញ្ចឹមដែលវាផ្តល់នូវភាពងាយស្រួលដល់រុក្ខជាតិក្នុងការស្រួបយក, ២. វាអាចបង្កើតនៅ​ធាតុផ្សំមយយចំនួនដូចជា សារធាតុបដិបក្ខប្រាណ (Antibiotic Substances), អង់ស៊ីន (enzymes) និង Lactic Acid ដែលសារធាតុទាំងនេះអាចបង្រ្កាបនៅជំងឺផ្សេង ហើយជួយធ្វើឲ្យដីមានស្ថានភាពល្អប្រសើរ ។

IMOs អាចប្រមូលបានតាមមធ្យោបាយ និងកន្លែងជាច្រើន។​ វាអាចប្រមូលក្នុងតំបន់ភ្នំ និងទីទួល ប៉ុន្តែវាក៏អាចប្រមូលបាននៅតំបន់ផ្សេងទៀតផងដែរ ។ ដើម្បីប្រមូល IMOs នោះអ្នកនឹងតម្រូវឲ្យមានឧបករណ៍មួយចំនួយដែលមានរៀបរាប់ដូចខាងក្រោម៖

-​ ប្រអប់ធ្វើអំពីឈើ

- បាយ

- ក្រណាត់ ឬក្រដាស់ (ប្រើសម្រាប់គ្រប់លើប្រអប់)

- កៅស៊ូ ឬអំបោះ (សម្រាប់ចង់គម្រប់ប្រអប់)

- ស្កត្នោត ឬ Brown Sugar

- ក្រឡធ្វើពីដី ឬកញ្ចក់

ដើម្បីប្រមូល IMOs ជាដំបូង៖ 

១. ដាក់បាយចូលទៅក្នុងប្រអប់ឈើ, 

២. គ្រប់ប្រអប់ឈើ ជាមួយនឹងក្រណាត់ ឬក្រដាស់ ដែលអាចឲ្យខ្យល់ចេញចូលបាន, 

៣. ដាក់ប្រអប់ឈើនៅតាមតំបន់មួយចំនួនដូចជា តំបន់ព្រៃ, គំនរស្លឹកឈើងាប់, ក្រោមដើមឈើ (ដើមឬស្សី....) ហើយត្រូវប្រមូលស្លឹកឈើងាប់គ្រប់ពីលើប្រអប់បន្ថែម, 

៤. ត្រូវរៀបចំប្រអប់ឈើនេះឲ្យមានសុវត្ថិភាព ជៀសវាងសត្វ នឹងទឹកភ្លៀង, 

៥. បន្ទាប់ពី៣ថ្ងៃបាននៅក្នុងប្រអប់នឹងគ្រប់ដណ្តប់ដោយ Microorganisms, 

៦. យកបាយទាំងនោះទៅរៀបចំទុកដាក់នៅក្នុងក្រឡ (Microorganisms ទាំងនេះត្រូវបានគេហៅថា IMO 1), 

៧. លាយបាយដែលពោរពេញទៅដោយ Microorganisms ទាំងនោះជាមួយនឹងស្ករត្នោត ឬ Brown Sugar ក្នុងទំងន់ស្នើគ្នា ហើយច្របល់ឲ្យបានសព្វហើយរក្សាទុកនៅកន្លែងដែលមានម្លប់ឆ្ងាយពីពន្លឺព្រះអាទិត្យក្នុងរយះពេល ៧ថ្ងៃ ។ ល្បាយនៅក្នុងក្រឡនេះត្រូវបានគេឲ្យឈ្មោះថា IMO 2 ។​  

៨. បន្ទាប់មកដើម្បីបង្កើត IMO 3 អ្នកត្រូវកន្ទក់ ឬអង្កាម មកលាយជាមួយនឹង IMO 2 ក្នុងសមាមាត្រ ២:១០០០ (មានន័យថា IMO 2 ២ មីលីក្រាម លាយជាមួយនឹងកន្ទក់ ១គីឡូក្រាម) ដោយលាយមកជាមួយនឹង​ទឹក (ទឹកដែលគ្មានជាតិក្លរីន) គួបផ្សំនឹង Fermented Plan Juice 1:500 (FPJ), Brow Rice Vinegar 1:500 (BRV), Oriental Herbal Nutrient 1:1000 (OHN), ទឹកសមុទ្រ 1:25 (SW) ។ ៩.ច្របល់ឲ្យបានសព្វគ្រប់ល្បាយនេះដោយស្លឹកឈើងាប់ ហើយរក្សាទុកក្នុងរយះពេល៧ថ្ងៃ។ នៅថ្ងៃទី ២ ត្រូវច្របល់ល្បាយនេះឡើងវិញហើយត្រូវឧស្សាហ៍មើលផ្ទៃខាងលើ និងវាស់កំដៅជាប្រចាំ។ កំដៅមិនត្រូវឲ្យលើសពី ៥០ អង្សារ C បើក្តៅលើសពីនៅត្រូវច្របល់ល្បាយនេះដើម្បីបន្ថយកំដៅវា ។ 

ទ្រឹស្តី The Nutritive Cycle Theory

Natural Farming (NF) ត្រូវបានបង្កើតឡើងដោយ Dr. Cho Can Kyu នៅវិទ្យាស្ថានJanon Natural Farming in ប្រទេសកូរេខាងត្បូង ។ NF ត្រូវបានបង្កើតឡើងក្នុងគោលបំណងដើម្បីការ​ផ្លាស់ប្តូរវិធីសាស្ត្រដាំដុះដោយជៀសវាងការប្រើប្រាស់សារធាតុគីមី និងវិធីសាស្ត្រផ្សេងៗប៉ះពាល់ដល់សុខភាព នៅក្នុងប្រទេសកូរ៉េខាងត្បូង ។

NF បានស្វែងយល់ពីភាពសម្បូរបែបនៃធម្មជាតិ និងប្រើប្រាស់នៅធនធានទាំងឡាយ​ដែលមាននៅក្នុងតំបន់សម្រាប់ដំណើរការផលិតកម្ម ។ ដោយសារការសិក្សារស្វែងយល់ពី ធម្មជាតិ NF គឺពឹងផ្អែកទាំងស្រុងទៅលើ ទ្រឹស្តី The Nutritive Cycle Theory ។ ទ្រឹស្តីមួយនេះបានបញ្ជាក់​ថារុក្ខជាតិ និងបសុសត្វ ត្រូវការសារធាតុចញ្ចឹមខុសៗគ្នាទៅដំណាក់កាលនៃការលូតលាស់ ។ ទ្រឹស្តី The Nutritive Cycle Theory បានធ្វើការបែងចែកដំណាក់កាលនៃការលូតលាស់របស់រុក្ខជាតិជាបី (០៣) ដំណាក់កាលខុសគ្នា៖ 1. Growth and Vegetative Growth Stage, 2.Morning Sickness or Cross Over Period និង 3. Reproductive Growth Stage.

1.    ដំណាក់កាល Growth and Vegetative: អាចនិយាយបានថាវាជាដំណាក់កាលមួយដែលរុក្ខជាតិចាប់ផ្តើមរីកលូតលាស់ដំបូងបន្ទាប់ពីបណ្តុះគ្រាប់ រហូតដល់លាស់ស្លឹកបាន ៥ ទៅ៦សន្លឹក ។ ប្រសិនប្រើធ្វើការប្រៀបធៀបជាមួយនឹងមនុស្សវិញអាចនិយាយបានថាគឺចាប់ផ្តើមពីការចាប់កំណើតរហូតដល់ពេញវ័យ ។ ក្នុងដំណាក់កាលនេះរុក្ខជាតិនឹងត្រូវការសារធាតុសំខាន់ៗមួយចំនួនជាចាំបាច់ដូចជា៖ Nitrogen (ច្រើន), Phosphorus (បន្តិច), Potassium (បន្តិច), Calcium (បន្តិច) ។

2.    ដំណាក់កាល Morning Sickness or Cross Over Period: ដំណាក់កាលនេះគឺជាដំណាក់កាលមួយដែលរុក្ខជាតិចាប់ផ្តើមចេញផ្កា ហើយក៏រៀបចំខ្លួនសម្រាប់ការ​ផលិត​ផ្លែផងដែរ ។ ​​ពាក្យថា Morning Sickness បើធៀបនឹងមនុស្សគឺស្នើនឹងចាញ់កូន ដែលគ្រានេះទាំងមនុស្សនឹងត្រូវការនូវអាហារទាំងឡាយណាដែលមានជាតិជូរ ដោយឡែករុក្ខជាតិក៏ដូចគ្នាដែរ វានឹងត្រូវការការសារធាតុចញ្ចឹមដែលមានជាតិជូរ ដែលបានមកពីក្នុងទម្រង ល្បាយហ្វូសហ្វ័រ (Phosphoric [P])។ ក្នុងដំណាក់កាលនេះរុក្ខជាតិនឹងត្រូវការសារធាតុសំខាន់ៗមួយចំនួនជាចាំបាច់ដូចជា៖ Nitrogen (បន្តិច), Phosphorus (ច្រើន), Potassium (មធ្យម), Calcium (មធ្យម) ។

3.    ដំណាក់កាល Reproductive Growth: ដំណាក់កាលនេះគឺចាប់ផ្តើមពីរុក្ខជាតិមានផ្ការហូតដល់ផ្លែទុំ ហើយនៅពេលនេះគឺវានឹងចាប់ផ្តើមរក្សានៅសារធាតុ Carbohydrate នៅក្នុងផ្លែ ឬនៅក្នុងសរីរាង្គផ្សេងទៀត ។ ក្នុងដំណាក់កាលនេះរុក្ខជាតិនឹងត្រូវការសារធាតុសំខាន់ៗមួយចំនួនជាចាំបាច់ដូចជា៖ Nitrogen (បន្តិច), Phosphorus (ច្រើន), Potassium (មធ្យម), Calcium (ច្រើន) ។